Jentrade
L'Istitût Ladin Furlan 'Pre Checo Placerean' al è une associazion culturâl metude in pîts a Codroip tal 1988 cun chê di puartâ indevant cuntun spirt gnûf la lenghe e la culture furlanis.
Lis sôs finalitâts a son: il studi a nivel sientific de lenghe, de storie e de culture furlanis; la promozion de lenghe furlane, in particolâr midiant di publicazions, cors di alfabetizazion, mass-media e manifestazions di caratar culturâl; la valorizazion des tradizions popolârs e de art furlane; il rinfuarciment dai rapuarts cun chês altris minorancis e, in particolâr, cu lis comunitâts ladinis de Dolomitis e de Svuizare.
Dal 2000 la associazion e à la sô sede operative li di Cjase Turoldo a Coder di Sedean (Ud). Dal 2001 e je stade ricognossude de Regjon Autonome Friûl-Vignesie Julie tant che organisim culturâl di interès regjonâl e dal 2006 tant che ent di primarie impuartance pe promozion de lenghe furlane.
