Servizis
Fin de sô nassite, l'Istitût Ladin Furlan 'Pre Checo Placerean' al à realizât traduzions in lenghe furlane par ents public e privâts e al à metût adun cors di lenghe furlane pes scuelis, cors di alfabetizazion par adults e cors di formazion. Fra lis tantis, al à curât la traduzion in marilenghe de Declarazion universâl dai dirits lenghistics (par cont dal Ciemen di Barcelone) e dal Statût de Regjon Autonome Friûl-Vignesie Julie (par cont de Regjon).
L'Istitût al va daûr ai criteris linguistics stabilîts dal OLF (Osservatori pe Lenghe Furlane) e, cumò, de ARLeF (Agjenzie Regjonâl pe Lenghe Furlane) e al è ricognossût de Regjon tant che ent di primarie impuartance pe promozion de lenghe furlane.
I principâi servizis ufierts de associazion a son:
- - traduzions dal talian al furlan e vicevierse (tal câs, ancje dal/al inglês, spagnûl e francês)
- - corezion di tescj par furlan
- - cors di lenghe e culture furlane pes scuelis
- - cors di alfabetizazion par adults
- - cors di formazion par docents e dipendents publics
- - cors di formazion su lis tematichis peadis ae promozion dal furlan e des lenghis minoritariis
par info: istitutladinfurlan@libero.it