Puints

La rassegne “Puints”, tacade intal 2002, e promôf cun incuintris, aprofondiments e spetacui la lenghe, la identitât e la autonomie furlane cuntune vualmade che e passe vulintîr i confins regjonâi par cirî altris esperiencis culturâls. Vie pai agns a “Puints” si à fevelât di leterature, di popui e minorancis, di viaçs ae ricercje di altris identitâts, di insegnament plurilengâl, di dirits linguistics, di autonomisim, di progjets pal Friûl di doman.
La manifestazion e je inmaneade in colaborazion cul portâl de lenghe furlane www.lenghe.net.