Studi sul autonomisim
L'Istitût al edite une "Golaine di studis sul autonomisim", direte di Gianfranco Ellero e di Geremia Gomboso, dedicade a lis personalitâts plui significativis dal moviment autonomistic furlan. I volums publicâts fin cumò a son stâts dedicâts a: Fausto Schiavi, Gino Di Caporiacco, Tiziano Tessitori, Arnaldo Baracetti, pre Checo Placerean, Nelso Tracanelli, pre Josef Marchet, Pier Paolo Pasolini, bons. Luigi Faidutti, Giuseppe Gentilli, Faustino Barbina, Luigi Ciceri, Luigi De Biasio e Chino Ermacora. Simpri de stesse golaine al fâs part il "Dizionari autonomistic furlan".
Par informazions su dulà cjatâ chestis publicazions scrivinus a: istitutladinfurlan@libero.it
1 - I 1700 giorni di Fausto Schiavi
Scritti e discorsi 1967-1971, ILF 2002
Publicât in ocasion dai 30 agns de muart di Fausto Schiavi (Pontebe 1928 - Udin 1972), esponent di ponte dal autonomisim furlan, conseîr regjonâl e carismatic president dal Moviment Friûl dal '67 al '72. Memorabii i siei discors su la "cuistion furlane" intal Consei regjonâl.
lei »
2 - Dalla Regione mai nata alla Regione mal nata
Saggi di Gino Di Caporiacco sul Friuli e sulla Venezia Giulia, ILF 2002
Ta chest libri si tirin dongje i scrits di Gino di Caporiacco (Udin 1932 - 2001) su la cuistion dal matrimoni fuarçât fra il Friûl e la Vignesie Julie. Autonomist, conseîr regjonâl, plui voltis conseîr comunâl di Udin, Di Caporiacco al à firmât cetancj libris e intervents su la stampe locâl.
lei »
3 - Autonomia per il Friuli 1945-1964
Scritti e discorsi di Tiziano Tessitori, ILF 2003
Avocat, gjornalist, sindacalist, deputât de Costituente, senatôr, sotsegretari, ministri de Republiche, storic... Tiziano Tessitori (Sedean 1895 - Udin 1973) si pues considerâlu un dai paris dal autonomisim furlan dal secont dopovuere e, adun cun Marchet, une des figuris plui impuartantis dal '900 in Friûl.
lei »
4 - Simpri pal Friûl e la sò int 1976-2003
Scrits e discors di Arnalt Baracêt, ILF 2003
Plui che un libri al è un archivi dulà cjatâ dut ce che al à dit e al è stât dit su Arnalt Baracêt (Codroip 1931). Prime conseîr regjonâl e daspò parlamentâr, Baracêt si è batût in particolâr pal ricognossiment de lenghe furlane e pe istituzion de Universitât dal Friûl.
lei »
5 - Une lenghe, un popul, une glesie, la nestre storie
Scrits e discors di Pre Checo Placerean, ILF 2003
Pre Checo Placerean (Montenârs 1920 - Udin 1986), figure-clâf dal moviment autonomistic furlan, al fo un dai fondadôrs di "Int Furlane" e dal "Moviment Friûl", ispiradôr de "Mozion dal clericât pal svilup sociâl dal Friûl" e tradutôr, adun cun Beline, de Bibie in marilenghe.
lei »
6 - Del Friuli storico, per il ritorno di San Michele al Tagliamento
Scrits e pinsîrs di Nelso Tracanelli, ILF 2004
San Michêl dal Tilimet, daûr des sudivisions aministrativis di cumò, al fâs part dal Venit, pûr jessint un comun storicamentri furlan e dulà che si fevele il furlan. Par dute la sô vite Nelso Tracanelli (San Michêl dal Tiliment 1934 - 2002), poete e scritôr, si è batût par fâ tornâ il "Mandament di Puart" te Patrie.
lei »
7 - Lingua poesia e autonomia 1941-1949
Il Friuli autonomo di Pasolini, ILF 2004
Tai agns furlans Pier Paolo Pasolini (Bologne 1922 - Ostie 1975), dongje di une ferbinte ativitât leterarie in marilenghe, si impegnà in prime persone intal moviment autonomistic nassût subit dopo de Seconde Vuere mondiâl. Lu testemonein une vore ben chescj siei scrits, pe plui part scognossûts al grant public.
lei »
8 - Autonomia per il Friuli orientale 1891-1918
L'autonomismo di Luigi Faidutti, ILF 2005
Luigi Faidutti (Sant Lenart 1861 - Kaliningrad 1931) predi e autonomist furlan ante litteram, elezût tal 1907 deputât a Viene pe contee di Gurize e Gardiscje, tal 1918 al puartà indevant, cun Josef Bugat, la bataie politiche pe autodeterminazion dal Friûl inte gnove Austrie. Par chest al fo di fat esiliât e nol podè mai plui tornâ in Friûl.
9 - L'autonomia culturale di Giuseppe Marchetti, 1946-1949
La "Patrie dal Friûl" di pre Bepo Marchet, ILF 2005
Josef Marchet (Glemone 1902 - Udin 1966) al è stât une des personalitâts furlanis plui impuartantis dal '900. Predi, insegnant, linguist, scritôr, storic e critic de art, tal 1946 al fondà, cun Felix Marchi, il setemanâl par furlan "Patrie dal Friûl". Il libri al cjape dentri une part dai intervents di caratar politic publicâts ta chel sfuei.
lei »
10 - DAF. Dizionario autonomistico friulano, ILF 2007
"Chest dizionari al è stât fat par doi motîfs che a son complementârs un cun chel altri: par dâ impuartance, cun schedis curtis, a ducj chei fatôrs che a tegnin dongje la regjon Friûl, ma ancje par piturâ la mape des diviersitâts internis, che a son vignudis fûr di fatôrs di lungje durade" (de Jentrade di Gianfranco Ellero, curadôr dal DAF).
lei »
11 - L'Università friulana di Joseph Gentilli 1965/66
Due saggi di pianificazione universitaria, ILF 2007
Giuseppe Gentilli (S. Denêl 1912 - Perth 2000) fra il 1965 e il 1966 - cuntune schirie di articui vignûts fûr su la riviste de Cjamare di Cumierç di Udin - al teorizà e al dimostrà pe prime volte la oportunitât di fâ sù une universitât a Udin. In ocasion dal trentenâl de Universitât furlane a son stâts riproponûts chei siei scrits profetics.
lei »
12 - Dalla Regione friulana alla Regione triestina 1949-1962
16 articoli di Faustino Barbina, ILF 2008
Faustino Barbina (Mortean 1900 - Udin 1982) al è stât prime partesan des formazions Osôf (depuartât a Dachau) e po deputât dal 1948 al 1953 pe DC. Vie pe sô ativitât politiche al à simpri puartât indevant cun convinzion la bataie pe autonomie dal Friûl e pal ricognossiment di Udin tant che capitâl de Regjon.
lei »
13 - Lingua Etnografia Autonomia
Gli anni di Luigi e Andreina Ciceri, ILF 2009
Luigi Ciceri (Tresesin 1911 - 1981), miedi primari e creadôr dal repart stomatologjic dal Ospedâl di Udin al è stât un dai fondadôrs dal Moviment Popolâr Furlan pe Autonomie Regjonâl. Studiôs di etnografie, al è stât ancje par tancj agns il factotum de Filologjiche e al à vût un puest te dirigjence dal mont dal balon. Il libri al vûl rindi onôr ancje ae sô femine, Andreina Nicoloso, etnografe e critiche leterarie di prime grandece.
lei »
14 - L'antico rito aquileiese
Nel Friuli dei patriarchi con Luigi De Biasio, ILF 2010
Luigi De Biasio (Sante Marie la Lungje 1930 - Udin 1993), predi, bibliotecari patriarcjâl e docent tal Seminari di Udin e tes Universitâts di Udin e di Ferare, al à ilustrât cun maniere sientifiche e cun straordenarie clarece aspiets fondamentâi de civiltât cristiane e contadine de Patrie dal Friûl, come il rît aquileiês e l’ûs de lenghe furlane te liturgjie.
lei »
15 - Il Friulmondo di Chino Ermacora
Scrittore, giornalista, regista e organizzatore culturale, ILF 2011
Chino Ermacora (Tarcento 1894 - Casarsa 1957), giornalista, animatore culturale, regista cinematografico, è stato l'”inventore” della Epifania di Tarcento e dell’Ente Friuli nel Mondo, valorizzando le arti del Friuli e il lavoro dei nostri emigranti. Ha scritto il primo libro sulla resisteza friulana "La Patria era sui monti". È stato anche, assieme a Tessitori, D’Aronco e Pasolini, uno dei sostenitori, nel 1945, della Regione autonoma del Friuli.
lei »
16 - Friuli. Autonomia e territorio. Perché speciali la Regione e l'Università?
Per gli ottant’anni di Arnaldo Baracetti, ILF 2011
Arnaldo Baracetti (Codroip 1931), par celebrâ i siei otante agns, al à pandût la volontât di ufrî, cun chest libri, cualchi document su lis resintis lotis dai autonomiscj in difese de specialitât de nestre Regjon, de nestre Universitât e de identitât de Patrie dal Friûl.
lei »
17 - Un documento per la storia
Pietro Londero e la mozione dei 529, ILF 2012
Pre Pieri Londar (Glemone 1913, 1986) al è stât un impuartant divulgadôr de lenghe e de culture furlane. Scritôr, tradutôr, politic e om di culture tra i fondadôrs di Int Furlane, al à scrit Mozione del Clero per lo sviluppo sociale del Friuli.
18 - Int Furlane nell'Europa delle minoranze
Etelredo Pascolo: 25 anni di giornalismo in friulano, ILF 2012
Etelredo Pascolo (Basilian, 1898 – Udin, 1991), veteran decorât de Grande Vuere, perseguitât dal regjim fassist, fondadôr di Int Furlane (1963),
cofondadôr dal Moviment Friûl (1966), colaboradôrde comission dal 1985 pe definizion di une grafie uficiâl de lenghe furlane.
19 - La vere storie dal Friul
Franco de Gironcoli poeta e storiografo, ILF 2013
Franco de Gironcoli (Gurize 1892 - Viene 1979),
miedi cuntune vore di publicazions ricognossudis, des esperiencis de vuere
e madrès la sô anime di poete. Al è considerât un dai plui impuartantsriformadôrs de poesie in marilenghe, citât di Momigliano, di Montale e di Pasolini.
20 – Il Friuli e la Venezia Giulia secondo Graziadio Isaia Ascoli
Incompatibilità tra nazionalismo e regionalismo, ILF 2014
Graziadio Isaia Ascoli (Gurize, 1829 - Milan, 1907), linguistic, glotolic, fondadôr de Dialetologjie. Un dai prins a dâ il so contribût ae cause dal autonomisim furlan, inventôr dal concet di "Vignesie-Julie", crôs e delizie dal Friûl.
21 – La buona battaglia per il Friuli che è seria nobile alta 1945 – 1964
Scritti e discorsi di Tiziano Tessitori, ILF 2014
Tiziano Tessitori (Sedean, 1985 - Udin, 1973) al è stât un politic, ministri e senatôr de Republiche. Tal 1945 al publiche, in tre articui, il so Manifesto per l'autonomia friulana. Pôs dîs dopo al è tra i fondatôrs de Associazione per l'autonomia friulana. Chest al puartarà, tal 1947, al ricognossiment dal statût speciâl ae Regjon Friûl-Vignesie Julie.
22 - Per l'autonomia del Friuli
Il pensiero e il contributo di Alessandro Vigevani, ILF 2015
Alessandro Vigevani (Firenze, 1914 – Udine, 2005), furlan di bande di mari, florentin par nassite, comendatôr de republiche, veteran de seconde vuere mondiâl, al è stât fra i fondatôrs, insieme con Tiziano Tessitori, da la Associazion par l’Autonomie Regjonâl e, pôs agns dopo, dal Moviment Popolâr Furlan par l’Autonomie Regjonâl. Omp di culture cun numerosis publicazions, al è stât Preside dal Liceo Stellini di Udin.
23 - Pasolini autonomista
La Piccola Patria del Poeta di Casarsa, ILF 2015
Tai agns furlans Pier Paolo Pasolini (Bologne, 1922 - Ostie, 1975), dongje di une ferbinte ativitât leterarie in marilenghe, si impegnà in prime persone intal moviment autonomistic nassût subit dopo de Seconde Vuere mondiâl. Lu testemonein une vore ben chescj siei scrits, pe plui part scognossûts al grant public.
24 - Alle nove di quella sera
L’Autonomismo di Vittorino Meloni, ILF 2016
Vittorino Meloni (1927 – Udin, 2009) al è stât diretôr dal Messaggero Veneto dal 1966 al 1992. Gjornalist di grande responsabilitât, al fasê dal so gjornâl un pont di riferiment par dute la int furlane. Centrâl e je stade la so part te cronache dal taramot dal 1976 e de ricostruzion.
25 - Il Friuli Modello 1976 - 2016
Antonio Comelli e gli altri protagonisti, ILF 2016
In chest volum a si è volût contâ des personis, dai Sindics, des azions, des ideis e dai erôrs che a an metût adun chel che vuè o cognossin come Modello Friuli. In particolâr il volum a vûl presentâ un ritrat di Antonio Comelli (Nimis, 1920 - 1998), partigian, conseîr regjonâl e president de Regjon dal 1974 al 1984.
26 - La lunga preistoria dell'università friulana
Con uno sguardo obliquo sulla storia della Università di Udine, ILF 2017
Tal 8 di avost dal 1977, cun l'articul 26 de leç regjonâl n. 546, e vignive istituide l'Universitât dal Friûl. In chest volum a si è volût contà la storie dai personaçs, dai moviments e des batais da la int che a an puartât a la fondazion di cheste impuratante istituzion.
27 - Nemici e falsi amici della Autonomia friulana
Zanfagnini, Solari, Rosso, Candolini, Livi… ILF 2018
In une golaine che conte di Autonomisim, nol podeve mancjâ un volum sul anti-Autonomisim. In chest volum a son racuelts i auto-ritrats, par vie dai lôr tests e publicazions, di Zanfagnini, Solari, Rosso, Candolini, Livi e di altri personaçs ca a an cjapât lis parts dal anti-autonomisim tai primissims ains dal dopovuere.
28 – Agostino Tessitori per la specialità friulana 1945-1947
Tutte le regioni sono speciali
Agostino Tessitori (Udin, 1922 – 1986), fì di Tiziano Tessitori, avocat, omp di culture cun diviersis publicazions, al è fra i fondatôrs de Associazione per l’autonomia friulana. Cul saç Ragioni dell’autonomia friulana al propon l’istituzion dal ‘statût speciâl’ pe region Friûl-Vignesie Julie, e duncje al è considerât il teoric se specialitât regjonâl.
