Lenghe.net

La associazion si è dedicade cun cetant snait ae promozion de lenghe furlane intai mass-media, prin cul mensîl di informazion e culture “INT” e, tacant dal 2004, cul sît internet bilengâl (furlan-talian) www.lenghe.net.
In pôc timp Lenghe.net – diret de gjornaliste Anna Bogaro – si è afermât come un dai sîts in marilenghe plui clicâts in graciis di un inzornament continuatîf des gnovis sul Friûl e su la lenghe furlane, e de presince di rubrichis di aprofondiment su varis aspiets de nestre culture.